mánudagur, júlí 28, 2003  

Lögreglan stöðvar ölvunar-rakstur

Slompaður, en sannsögull sökudólgur sem var við rakstur missti skírteinið eftir að hafa tilkynnti lögreglu að hann hefði drukkið í mesta lagi 20 bjóra.

Samkvæmt heimildum Nördafréttastofu kemur fram að lögreglan í Reykjavík hafi verið við venjulegt eftirlit. Meðal þeirra sem lögreglan athugaði var Hilmar Steinþórsson, 26 ára gamall steggur. Hann var heima hjá sér við neðan-rakstur þegar lögreglu bar að eftir ábendingu nágranna. Lögreglumaðurinn spurði stegginn hvort hann hefði nokkuð verið að drekka. „Tuttugu bjóra í mesta lagi, ef ég á að vera fullkomlega heiðarlegur, en alls ekki meira," var svar hans.

Lögreglan lét stegginn þá stinga goggnum í áfengismæli sem staðfesti yfirlýsingu hans.

"Ljóst er að um mjög alvarlegt ölvunar-rakstursmál er að ræða. Ekki einungis vegna þess að hann var að raka sig drukkinn heldur líka vegna þess að hann var að raka sig að neðan. Hann má teljast heppinn að hafa ekki skorið sig eða einhvern annan á meðan rakstrinum stóð," sagði Vínandur Stöðvarson, lögreglumaður. „Ég hef ekki hugmynd um hvers vegna hann viðurkenndi sök sína svona fljótt. Kannski vegna þess að hann var fullur."

Þetta er í annað skipti í stuttan tíma sem lögreglan stöðvar ölvunar-rakstur, en fyrir stuttu var 25 ára hrafna-maður sviptur rakstursréttindum í Fjarðarási 27 eftir að hafa rakað sig til blóðs drukkinn.

posted by Doddi | 22:47

---