þriðjudagur, janúar 06, 2004
Brotnir, bólgnir og sárir.
Meðlimir nördanna gengu ekki óskaddaðir eftir atburði síðustu daga:
Hilmar lenti verst í þessu er hann handarbrotnaði eftir að hafa lent í slagsmálum við glæpona sem ég kalla glæpona númer eitt og tvö. Einnig var hann með marbletti á mörgum öðrum stöðum.
Doddi lenti líka í slagsmálum við glæpona sem ég kalla glæpona númer eitt og þrjú. Slapp hann með nokkra marbletti, þó einn stærstan á mjöðm eftir að glæpon þrjú hafði gefið honum roknahögg.
Ég lenti einnig í slagsmálum við menn sem ég kalla glæpona númer tvö og þrjú. Ekki skaddaðist ég neitt við slagsmálin. En þó hef ég miklar harðsperrur eftir morgunæfinguna í gær.
posted by Hrafnkell |
15:27
mánudagur, janúar 05, 2004
Morgunæfing dauðans
Dagurinn í dag byrjaði með æfingu kl 6:45 í morgun. Æfingin var ekki með léttasta móti því að teknar voru fullt af armbeygjum í mismunandi stílum (hendurnar mínar skulfu á eftir) , pallaæfingar, magaæfingar og allskonar bull. Að auki var þetta inní litlum sal með engri loftræstingu og þar af leiðandi var súrefni að skornum skammti. Enda kom á daginn að menn hrundu niður, 6 ældu og annar eins fjöldi voru með ógleði og urðu grænir í framan. Ég var einn af þessu sem hefði viljað æla en gat það ekki að því að ég var með tóman maga enda ekki búinn að fá mér morgunmat. Sem sagt.........ÖMURLEG ÆFING!!!!!
Og síðan þarf að mæta á æfingu uppí Reiðhöll kl 18:30 í kvöld :)
posted by Hrafnkell |
10:53
