þar sem við erum með þessa síðu ákvað ég að taka texta úr auglýsinga sem syn.is er með, fannst það viðeigandi að láta nördana vita.
ERT ÞÚ NÖRD!
Sjónvarpsstöðin Sýn leitar að þátttakendum í nýjum íslenskum raunveruleikaþætti sem heitir FC Nörd – eða Nördarnir – og verður tekinn til sýninga haustið 2006.
HVERJUM LEITUM VIÐ AÐ?
Við leitum að 16 opnum, vel gefnum og skemmtilegum náungum á aldrinum 18-28 ára sem hafa húmor fyrir sjálfum sér og líta fúsir og glaðir á sig sem NÖRDA.
Við leitum að sjálfskipuðum NÖRDUM sem eru sannkallaðir viðvaningar í fótbolta og hafa gott sem aldrei mætt á fótboltaæfingu. Einhverjum sem hafa almenna andúð á íþróttum en þeim mun meiri áhuga á öðrum hugðarefnum eins og tölvuforritun, myndasögum, fiðrildum, frímerkjum, efnafræði, hersögu, hlutverkaleikjum, samkvæmisdönsum, kotru, Júróvisjón, kóngafólki, ljóðlist o.fl. Einhverjum sem þó er hinn jákvæðasti og meira en til í að prófa eitthvað nýtt og framandi.
HVER ER TILGANGURINN?
Markmiðið er að búa til fótboltaliðið FC Nörd, skipað 16 NÖRDUM. Fela liðið í hendur landsfrægum og annáluðum knattspyrnuþjálfara sem hefur þrjá mánuði til að þjálfa það og gera úr því alvöru fótboltalið. Útskriftarverkefni liðsins er að mæta besta knattspyrnuliði Íslands í glæsilegum og æsilegum knattspyrnuleik að viðstöddum fjölda áhorfenda og helstu fjölmiðlum.
Skilyrði er að viðkomandi hafi búsetu á höfuðborgarsvæðinu og gott svigrúm til að einbeita sér að æfingum og upptökum á þáttunum. Æskilegra væri því ef viðkomandi er námsmaður eða ekki í fullri vinnu. Hann verður að vera tilbúinn að taka þátt í æfingum a.m.k. tvisvar sinnum í viku; stundum um helgar. Auk æfingaferlisins verður svo að sjálfsögðu boðið uppá ýmsar spennandi og skemmtilegar uppákomur fyrir hópinn.
Þátttakendur fá ekki aðeins í knattíþróttinni. Eins og flestir vita þá er ekki lengur nóg að vera góður í fótbolta til að verða fótboltahetja heldur þarf útlitið einnig að vera í lagi. Það verður svo sannarlega haft í huga og munu NÖRDARNIR fá alherjar útlits- og ímyndarlagfæringu með aðstoð sérfræðinga í tísku, stíl og framkomu.
HVAÐ GRÆÐIRÐU Á AÐ VERA MEÐ?
Hér er um einstakt tækifæri að ræða fyrir hvern þann sem vill slá tvær flugur í einu höggi; komast í betra form og slá um leið í gegn – verða sjónvarpsstjarna á svipstundu. Hver slær hendinni á móti því að ávinna sér viðlíka frægð og aðdáun og David Beckham og Eiður Smári Gudjohnsen? Umbreytast á einu sumri í fitt og flotta íþróttahetju sem eftir verður tekið og allur munu þekkja. Síðast en ekki síst býðst þátttakendum hin fullkomna áskorun; að mæta í ógleymanlegum kappleik besta fótboltaliði landsins.
posted by Hrafnkell |
09:29
miðvikudagur, maí 03, 2006
Brandari dagsins
eru þið búin að heyra með rafvirkjann? Hann var rekinn fyrir að vera að vera alltaf að leggja kapal.......
