mánudagur, desember 11, 2006  

Kraftaverk í Kragaþorpinu

Fjórir slösuðust lítillega þegar rúmlega 10.000 áhangendur Reynis Jóhannessonar eltu hann um Smáralind í Kópavogi um helgina. Þeir tróðust undir þegar múgurinn reyndi að komast upp rúllustiga sem Reynir hafði farið upp skömmu áður. En strax á eftir gerðist nokkuð merkilegt, að sögn viðstaddra. Þegar Reynir sá hvað gerst hafði gekk hann að þeim særðu og lagði hendur á fólkið. Nokkrum sekúndum síðar stóð fólkið upp ómeitt. Það virtist hreinlega hafa læknast af meinum sínum.

"Ég sá konu sem var búin að festa höndina þar sem rúllustiginn fer inn," sagði einn viðstaddra. "En Reynir bjargaði henni. Hann náði höndinni út og læknaði hana. Ég sá þetta með berum augum."

Öryggisverðir máttu sín lítils gegn æstum múgnum sem var kominn til þess að hitta kraftaverkamanninn. En Reynir mælti: "Óttist ekki. Þetta fólk fer með mér."


Reynir fær oft andann yfir sig.

"Honum er fátt ómögulegt," sagði einn áhangandi. "Hann getur læknað mein, veitt þjáðum sálum lausn og jafnvel breytt Pepsi í Coke. Um daginn sá ég hann gera þetta á Kentucky... hann breytti öllu Pepsi á staðnum í Coke, með miklum fagnaðarlátum gesta. Þetta var ótrúlegt!"


Reynir að tala við almættið.

"Ég er í beinu sambandi við almættið," segir Reynir. "Þetta byrjaði allt eftir að ég fór að horfa á Omega. Það hjálpar líka að ég tek omega 3, 6 og 9 fitusýrur."


Reynir er stundum eftir sig eftir mikil kraftaverk.

posted by Doddi | 17:11

---