Nördarnir

laugardagur, nóvember 30, 2002

Váááááá talandi um pirring - internetið getur breyst í algjört VÍTI á ákveðnum stöðum. Ég fór inn á www.astalavista.com í von um að finna krakkaða útgáfu af forriti sem gott er að nota í skýrslugerð. En þá sprakk allt í loft upp! Pop-up gluggar í tugatali byrjuðu að hrannast upp og á nokkrum sekúndum missti ég alla stjórn. Í örvæntingu minni startaði ég upp "Pop-up Stopper" í von um að það myndi stoppa gluggana af. En gluggarnir voru búnir að éta upp svo mikið minni að forritið ætlaði ekki að keyrast upp. Nú var farið að sjóða verulega í mér: "Níínní gagga". Loksins fór forritið að virka og stoppaði gluggana af, og þá var bara að loka þeim. En þá var það ekki hægt! Allt var fast. Þá mundi ég eftir "POW!! - Popup destroyer!" - sáraeinfalt forrit sem kann sko að höndla vágesti eins og þennan. En þá vildi það ekki keyrast upp og virtist frosið vegna minnisskorts. Þá tók ég flogakast hérna fyrir framan tölvuna. "NÍNNÍ GAGGA!!" En LOKSINS fór það í gang og kálaði gluggunum og sigurhróp frá mér.

Og nú má velta fyrir sér: Langflestir, ef ekki allir gluggarnir voru auglýsingar. Virkuðu þessar auglýsingar á mig? Hvernig dettur þeim í hug að maður taki mark á auglýsingum sem GJÖRSAMLEGA KEYRA TÖLVUNA MANNS TIL HELVÍTIS!? Vill þetta fólk að maður hati vöruna sem það er að auglýsa?? Nini gagga lúalemmusabb segi ég bara og þetta eru flón.

Ef þið lendið í svona vesini eða eruð orðin þreytt á popup gluggunum sem fylgja t.d www.yahoo.com þá mæli ég eindregið með þessum forritum, "Pop-up Stopper" og "POW Pop-up Destroyer", einföld og þægileg og 100% frí af www.download.com

Jæja, best að fara og steikja sér lambahjörtun sem ég keypti í gær........hafið þið smakkað svoleiðis? Ég held að það sé ágætis ket....:) kveðja, Tölvunerði dagsins

posted by Doddi | 21:20

Ní ní ní ní ní ní gagga.....vaaaaaa

Bara smá pirringur í gangi.............nú hlakkar mig til að koma heim og lemja Reyni

posted by Hrafnkell | 16:50

föstudagur, nóvember 29, 2002

Svabbi var hérna rétt áðan, kíkti í stutta heimsókn eins og svo oft áður:

"É vona að Fyddi vinni alla leikina næsta suma - hvað er Jafndell a gera í Bandajítjunum? Hann borda ofsa miki af hamborgurum þar!"
Svo benti hann án bílinn minn og spurði: "Hvað er bíddinn damall? Tíu áa! Það bara fjöur ár þar til hann er orðinn fjóddán! Bara fjöur ár og þá hann fermast! Þú dætir haldið veislu! Nei ég segi svona!" sagði hann og hló dátt og dreif sig síðan, enda alltaf á hraðferð.

Blessaður kallinn, það er eitt, reyndar tvennt sem vantar sko ekki í hann Svabba - dugnaðurinn (á því sviði held ég að hann yfirstígi okkur alla) og HÚMORINN

posted by Doddi | 20:37

Sláandi fréttir: Kemst upp um blóðdrykkju í Blóðbankanum

Skýring hefur fundist á blóðskortinum sem hefur hrjáð spítala höfuborgarsvæðisins undanfarið. Tveir karlmenn á þrítugsaldri, Reynir Örn Jóhannesson og Hilmar Steinþórsson, voru staðnir að verki í blóðbankanum í nótt þar sem þeir sátu við blóðdrykkju.

Anna Sinfóníudóttir, starfsmaður hjá Blóðbankanum, var síðust út úr húsi í gærkvöldi, en komst síðan að því að hún hafði gleymt veskinu sínu og sneri því við. Hún varð fljótlega vör við eitthvað óvenjulegt í húsinu þegar til baka var komið: "Ég heyrði einhver einkennileg hljóð úr blóðkælinum og þegar ég gáði þar inn sá ég einhvern vera að fikta í blóðpokunum. Hann var hlæjandi með taugaveikluðum geðveikishlátri. Ég hringdi strax í lögregluna og beið síðan fyrir utan húsið." Lögreglan kom síðan að þeim þar sem þeir sátu allsberir með blóðpoka í fanginu að horfa á "Interview with a Vampire". Þeir sötruðu blóð ákaft með sogrörum. Þeir voru handteknir í kjölfarið.

Talið er að þeir hafi stundað blóðdrykkjuna um nokkurt skeið. Þeir hafa notast við þá aðferð að dulbúast sem ræstitæknar og fela sig síðan í byggingunni þar til að næturlagi, en þá hafa þeir látið til skarar skríða. Þar sem öryggiskerfið, sem er miðsvæðis, nær ekki yfir þennan hluta hússins þá hefur ekki komist upp um þá fyrr en nú.

Lögreglumenn of harkalegir?

Kalla þurfti á sjúkrabíl þegar í ljós kom að Hilmar hafði drukkið of mikið blóð til að maginn þyldi það, og við handtökuna sprakk í honum maginn. Hilmar er úr lífshættu, en hlaut allmiklar innvortis blæðingar við slysið.

Eftir yfirheyrslur var Reynir færður aftur í einangrunarstöðina í Hrísey, en hann hefur verið geymdur þar frá því hann kom heim frá Rússlandi og þar til hann strauk þaðan í síðustu viku. Hann þarf að dveljast þar í sóttkví í fjóra mánuði til viðbótar áður en honum verður hleypt endanlega inn í landið.

posted by Doddi | 14:01

Hvað segirðu Hrafnkell, heldurðu að þetta sé svona almennt hjá bandarískum fjölskyldum á Thanksgiving eða er Travis bara eitthvað geðveikur? Hann hefur ekkert verið að gera sig líklegan til þess að klípa eitthvað í Guðfinnu, "Nice tits" eða Kela "Nice ass"

Jæja þá er komið að því að við fáum að fylgjast með því hvernig gekk hjá Rebekku seinustu helgi þar sem að upptaka úr ferðinni verður sýnd í Djúpu lauginni í kvöld. Ætli það hafi verið einhver rómantík í gangi? Og ef svo er ætli hún haldi áfram að vaxa og dafna? Hmm spurning kemur allt í ljós klukkan tíu í kvöld. Já Rebekka var að spyrja hvað væri á döfinni hjá nördunum þessa helgina. Ég er allaveganna að fara að flytja sem mest af drasli frá Rauðarárstígnum yfir í Sporðagrunninn. En aldrei að vita hvað maður gerir eftir það...

Hvað með restina af nördunum?

posted by Hilmar | 13:20

Hahahhaa já þeir eru magnaðir þessir kanar. Ég hef heyrt að margir þeirra nenni ekki einu sinni í sparifötin á aðfangadagskvöld, drekka bara Bud fyrir framan imbann á milli þess að farta, opna pakka og kommenta á brjóstin á gestunum og svona. "What would you like for christmas?", spyr einhver aðkomandi í sakleysi sínu.... "Two chicks at the same time man!" Merry chickmas!

Reynir ætlar þú svo ekki að hringja í Hilmar á aðfangadagskvöld eftir jólamatinn og heyra í honum hljóðið og svona, hann var nú ekkert lítið ánægður með það um árið.....

posted by Doddi | 13:15

Thanksgiving
Þá erum við komin heim úr Thanksgiving matnum hjá Travis, einum af fótboltafélögunum. Satt að segja leið mér eins og hjá fjöldskyldunni í Nutty Professor (fyrir utan allt prumpið). Þvílíkt og annað eins gengi sem var samankomið í einu húsi. Við komum til þeirra klukkan fjögur, og fyrir utan var mamma hans og frænka, báðar fullar á leiðinni út í búð að ná í meira áfengi. Þegar við komum inn þá voru allir kallarnir í fjöldskyldunni með bjór í hendi og eru að horfa á Ameríska fótboltann, allir í góðum fíling. Eftir að hafa spjallað við þá í smástund og komist að því að þeir voru allir miklir brandarakallar fórum við upp til að fá okkur að borða. Kalkúnn, bjór, og allskonar góðgæti á borðum blasti við, og var um að gera að ráðast á hlaðborðið. En þá var komið að besta partinum. Samræðurnar voru ekki á mjög háu stigi á þessum bæ, en fyndnar voru þær. Reyndar var byrjað á bæn sem ég hélt að væri mjög heilög en annað kom á daginn. Fólk byrjaði bara að flissa og hlæja áður en bænin var búin enda var hún helv fyndin. Ég þorði náttúrulega ekki að fara fyrstur að hlæja enda gestur á bænum sem hafði ekki upplifað Thanksgiving með amerískri fjöldskyldu áður. Já,ég var að tala um samræðurnar. Tits and ass var aðalumræðuefnið við borðið og allir voru með, meira segja amman og afinn. Síðan var tekið fyrir brjóst og rass á öllum kvenmönnunum í familíunni og svo endaði Travis með því að kommenta í litlu frænku sína hvað hún væri komin með stór brjóst. Ég sæi það í anda að í jólaboði eða einhverju svoleiðis að það væri talað um rass og brjóst. Á meðan umræðunum stóð flugu fokkmerkin hægri og vinstri og þau voru ekki spöruð. Að loknum mat tóku konurnar saman í eldhúsinu meðan karlarnir fóru niður og héldu áfram að drekka og horfa á TV. Stuttu síðar fréttum við að einn af körlunum drapst (áfengisdauða) fyrir framan imbann en vaknaði þó aftur áður en eftirrétturinn var borinn á borð. Eftir smá chat eftir eftirréttinn héldum við Guðfinna heim eftir skrítna en mjög skemmtilega þakkargjörðarhátíð.

posted by Hrafnkell | 04:29

fimmtudagur, nóvember 28, 2002

Mér líst vel á þetta sem að Reynir er að segja sérstaklega þar sem að helgin nálgast. Ef að við tökum eina hópferð í blóðbankann á morgun og gefum allir blóð verður þetta mun ódýrari helgi þar sem að það ætti að nægja að fá sér einn bjór til þess að verða hífaður. Þetta ætti í rauninni að verða auglýsingaherferð blóðbankans. "Fyllibyttur athugið! Einn lítri af blóði jafngildir fimm þúsund kalli á barnum". Er viss um að röðin í blóðbankann yrði svipuð og á Astró á laugardagskvöldi.
En nóg um það. Já Hrafnkell er bara að njóta þakkagjörðarhátíðarinnar úti í bandaríkjunum. Ég ætla einmitt að gera það sama. Ætla að koma við í Nóatúni á leiðinni heim og kaupa stærsta smákjúkling sem að ég finn í kælinum. Hvernig er annars stemmningin í hópnum fyrir helginni? Væntanlega frekar súr þar sem að allir nema ég og Reynir eru að læra undir próf. Annars erum við tveir búnir að ákveða að fara á nýja Bondarann á laugardaginn bara svona til þess að svekkja ykkur (nema Hrafnkel auðvitað þar sem að hann er búinn að sjá hana).

posted by Hilmar | 18:14

Já, prófin eru ekki skemmtileg en það verður víst að komast í gegnum þau til að fá eitthvað almennilegt starf í framtíðinni. En hvernig er það Tryggvi, ætlar þú aldrei að taka meira en eitt fag í skólanum? Mig minnir að þú hafir tekið eitt fag á síðustu önn og með þessu áframhaldi verðurðu orðinn tölvunarfræðingur árið 2097.
Nú erum við Guðfinna bráðum að fara í Thanksgiving mat til eins stráksins í liðinu. Veit ekki alveg hvernig það verður því öll hans fjöldskylda verður þar og við þekkjum ekki mikið þar á bæ. Vonandi verður bara nóg á bjór svo það losni aðeins um málbeinið, en hinsvegar þá mundi maður vera í erfiðleikum með að komast aftur heim til sín ef ölið verður sötrað.
Fooling me once......shame on you.
Fooling me twice.....shame on you.

posted by Hrafnkell | 16:53

miðvikudagur, nóvember 27, 2002

Sofa? Já ef það væri nú svo gott.......:S

posted by Doddi | 23:45

Sorry Reynir, ég er ekki þessi "gella". Ég veit að þú vilt mig en því miður er ég ekki fyrir karlmenn.

posted by Hrafnkell | 15:04

Hrafnkell, hverjar eru horfurnar á því að þú komist heim fyrir jól? Væri frekar leiðinlegt ef að það myndi ekki gerast.
Doddi, hvernig gengur próflesturinn? Ertu búinn að lesa yfir þig?
Reynir, ertu búinn að komast að því hver þessi Gella er? Er hún búin að hringja?
Tryggvi, kemstu í splitt?
Beggi, hvað tekurðu í bekk? Þú átt ekkert í bekk!!

posted by Hilmar | 11:22

þriðjudagur, nóvember 26, 2002

Þar sem ég er hérna í USA fæ ég meiri fréttir af þeirra ástkæra forseta, George W. Bush. Ég er ekki frá því að hann sé ekki hæfur í að gegna þessu starfi en það er annað mál. Ég var að horfa á ræðu hjá honum á einhverri stöðinni þegar hann kemur með þessa rosalegu setningu þar sem hann vissi ekkert hvað hann átti að segja enda stamaði hann því út úr sér: "There is a saying in Tennessee............uhhhh...(þögn)....... well it is in Texas so they probably have it in Tennessee too........Fooling me once.........uuuuuhhhhhhhh..........(mjög löng þögn)..........shame on you. HAHAHAHAA ekki er þetta mjög gáfulega sagt enda sprakk ég úr hlátri. "Fooling me once, shame on you". Þetta þarf ég að muna, því maður gæti þurft að nota þetta einhvern tíma. Hann ætti að æfa sig betur með ræðuhöldin, eða allavega vita hvað hann er að segja.

posted by Hrafnkell | 15:22

Já ég vil byrja á því að óska Reyni til hamingju með þennan nýja leynilega aðdáenda. Reynir ertu búinn að prófa að senda á hana email? Aldrei að vita hvað kemur út úr því. Það er rétt hjá Kela með það að það er ekki oft sem að einhver af okkur fær svona séns. En það er nú ekki nógu gott að þú kunnir ekki nógu mikið á þetta "blog spot" til þess að geta lagað heimasíðuna hennar Þorbjargar. En það kemur með tímanum.

posted by Hilmar | 12:05

mánudagur, nóvember 25, 2002

Ju Ju Hilmar,thad passar ad Bondarinn er kominn i bio og eg er ekki ad laera fyrir prof i vikunni enda er Thanksgiving nuna i vikunni svo eg fae fri ;) Eg skellti mer a myndina um helgina af thvi ad eg er mikill Bond-fan og ut af thvi ad stor hluti gerist a Islandi. Myndin var eins og eg bjost vid, mikill hasar og laeti og sjaldan var timi fyrir ad slappa af. Cool mynd nema ad eg held ad myndin hafi synt ranga mynd af landinu okkar. Nu buast allir vid ad thad se ekkert nema is og snjor svo langt sem augad ser.
Reynir, thu aettir ad gera eitthvad i thessari "gellu" thvi thad er ekki oft sem einhver af okkur faer svona sens, og ef thu verdur heppinn, tha verdurdu ohreinn sveinn :o Annars sa eg ad Gardar hostler skrifadi i gestabokina. Thad er madur sem gaeti kennt okkur sitthvad i kvennamalum enda er hann mikill fagmadur a thvi svidi. Gardar, kannski ad thu getur sett saman lista yfir thad hvernig vid losnum vid sveindominn?

posted by Hrafnkell | 17:09

Það virðist sem að Reynir sé búinn að eignast leynilegan aðdáenda samkvæmt gestabókinni okkar. Reynir hver heldurðu að þetta sé? Einhver sem að þú hittir um helgina? Mamma þín kannski? Af hverju seturðu ekki símann þinn hérna á nördana og sérð hvað gerist. Gæti verið fyrsta skrefið í átt að því að missa sveindóminn.

Já það er greinilegt að Doddi er að fara yfir um á próflestri og er þetta samt rétt að byrja. Doddi þú verður að muna að sofa og borða þegar þú ert í prófum. Þú manst hvað kom fyrir seinast. Það vill enginn að sá harmleikur endurtaki sig.

En já annars, er einhver sem að er ekki að lesa undir próf til í bíó í vikunni? Er ekki byrjað að sýna Bondarann annars?

posted by Hilmar | 16:46

"Luke I am your father........... and your brother"

posted by Doddi | 16:17

sunnudagur, nóvember 24, 2002

Já mér líst helv vel á þetta svífandi hausar dæmi og myndi það eflaust auka áhorfið til muna. En hvenær eigum við að taka af skarið og skella okkur í djúpu laugina? Ekki amalegt að fá þrjá hreina sveina sem gesti. Og síðan myndi einn af okkur missa sveindóminn fyrir framan alþjóð í sjónvarpinu, ekki slæmt.

Já það verður gaman að vita hvernig ferðin fór hjá henni Rebekku. Getur allaveganna ekki hafa verið verri en seinasta ferð sem að var farin í Djúpu lauginni.

posted by Hilmar | 22:52

Glæsiframmistaða hjá Rebekku á föstudaginn, það verður ekki annað sagt, og vonandi var Skjár einn rausnarlegur í ferðinni hjá þeim. Við nördarnir tókum okkur nokkuð vel út í sjónvarpssalnum sýndist mér, litum út eins og einhverjir glæpamenn - ef að ég hefði verið í svörtum bol þá hefðum við allir verið svartklæddir. Og þar sem tjaldið fyrir aftan okkur var svart þá vorum við eins og svífandi hausar........ spurning hvernig við hefðum þá farið að því að drekka bjórinn? Með röri eins og Rebekka? Eða hrinda honum bara um koll eins og ég gerði. Það hefði þá verið hægt að lepja hann upp. Það má velta þessu fyrir sér. Svífandi hausar í beinni útsendingu, lepjandi upp bjór af borðum, fljúgandi úti um allt og öskrandi, truflandi þulina og þátttakendurna, skallandi myndavélarnar og hrækjandi á gestina. Spurning hvort svoleiðis myndi ekki auka áhorfið?

posted by Doddi | 21:07