föstudagur, apríl 04, 2003
Það er ýmislegt sem að fólk tekur upp á þessum síðustu og verstu tímum
Reykjavík (nördafréttir) - 25 ára gamall íslendingur, Þórarinn Heiðar Harðarson að nafni hefur fundið upp á nýstárlegri aðferð við að þéna peninga núna á þessum síðustu og verstu tímum. Hann er búinn að gera sjálfan sig að mannlegum boxpúða og gerir starfsemi sína út á Laugaveginum. Núna í tvær vikur hefur hann klætt sig upp í sérstakan varnargalla, sem að ver andlit hans og maga að hluta til, staðið á gangstéttinni og leyft hverjum sem að borgar litlar 500 kr að kýla hann að vild í þrjár mínútur.
"Ég nýt þess að vera boxpúði. Þetta gefur vel af sér auk þess sem að þetta gefur mér aðra sýn á lífið. Ég mun halda þessu áfram í hjáverkum svo lengi sem að líkaminn þolir það." sagði Þórarinn í stuttu viðtali við nördafréttir. Enn sem komið er hafa frekar fáir tekið þessu tilboði Þórarins en hann segir að skemmtilegasti hluti starfsins sé að tala við fólkið rétt eftir að það hefur lamið hann. Þannig að ef einhver þarf á því að halda að losa um smávegis spennu og stress er um að gera að kíkja á Þórarinn á Laugaveginum milli klukkan 12:00 og 17:00 á virkum dögum.
fimmtudagur, apríl 03, 2003
Aprílgöbb þann fyrsta voru mörg og misjöfn:
Hundruðir kvenna og samkynhneigðra karla þyrptust að Planet Reykjavík eftir að talsmaður fyrirtækisins hafði tilkynnt í fjölmiðlum að Bergþór Stefánsson ætlaði halda kroppasýningu fyrir framan staðinn á Austurstræti þennan dag. Mikil reiði vaknaði hjá vonsviknum aðdáendum þegar þeir komust að því að þetta var gabb og lagði stór hópur steratrölla Planet Reykjavík í rúst í kjölfarið. Bergþór var veiddur upp úr pottinum í Planet eftir átökin, marinn, meðvitundarlaus og nakinn.
Annað gabb átti sér stað um miðjan daginn þegar tilkynnt var að Raven væri á leið til landsins. Hann átti að koma flögrandi inn yfir Reykjavíkurhöfn og komu þangað þúsundir manna með fuglafóður og fótbolta. Aðdáendur Ravens urðu gríðarlega vonsviknir þegar í ljós kom að þetta var gabb og trylltur lýðurinn henti sér í höfnina í mótmælaskyni. Rúmlega tuttugu manns drukknuðu í köldum sjónum.
Það voru einnig vonbrigði við Rafteikningu þennan dag, þegar um fimm hundruð manns voru komnir til að sjá Reyni skíta á almanna færi. Búið var að koma upp klósetti fyrir framan Höfðahúsið við hliðina á Rafteikningu og biðu menn í ofvæni eftir kappanum. Þegar maður kom á svæðið með gjallarhorn og tilkynnti um að þetta væri gabb trylltist lýðurinn og sótti Reyni inn í Rafteikningu. Eftir að honum hafði verið sturtað niður í klósettið lagði hópurinn nálæga skólpdælistöð í rúst. Um tíu þúsund lítrar af skólpi flæða nú um allt og Reyni er kennt um.
Það létu margir gabbast þegar tilkynnt var á FM957 að Tryggvi Hákonarson væri með gefins tölvuleiki að Heiðarási 26, en eins og þjóð veit þá hefur Tryggvi ekki verið þekktur fyrir gjafmildi þegar tölvuleikir eru annars vegar. Hundruðir manna þyrptust upp í Árbæ til að fá sinn skerf og minnti helst á að mikilvægur Fylkisleikur væri þarna í gangi. En þegar menn sáu að Tryggvi gæfi ekki frá sér einn einasta leik og að þetta væri gabb urðu menn að vonum vonsviknir. Tryggvi var dreginn út og krossfestur úti í garði. Öllum leikjunum var safnað saman og borinn að þeim eldur.
Hilmar Steinþórsson má teljast gabb-meistari þessa dags. Hann tilkynnti í fjölmiðlum að hann myndi koma út úr skápnum klukkan sjö um kvöldið niður á Austurvelli. Hundruðir samkynhneigðra karlmanna mættu á svæðið til þess að virða fyrir sér kyntröllið þegar hann kæmi út úr skápnum. Til að hafa þetta táknrænt hafði Hilmar híft alvöru skáp upp með krana og var hann látinn síga niður hægt og rólega, en það fór ekki betur en svo að vírinn slitnaði og skápurinn féll til jarðar og sprakk þar í loft upp. Hvort Hilmar var inni í honum vissu sorgmæddir hommarnir ekki fyrr en tilkynnt var með gjallarhorni að um gabb væri að ræða. Braust út mikil reiði og þyrptist hópurinn heim til Hilmars og íbúðin þeirra Arnars var lögð í rúst. Hilmar var ekki heima en Arnar var í staðinn dreginn í burtu af trylltum lýðnum og hefur ekki sést til hans síðan.
Litli kúturinn í Keflavík tilkynnti þennan dag að það væri í boði ókeypis ís í Skalla. Fjöldamargir mættu á svæðið, en ísinn fengu þeir ekki. Hahhahahahahahhah
posted by Doddi |
15:24
miðvikudagur, apríl 02, 2003
Bjáni Í gær fór ég í körfubolta í fyrsta skipti í langan tíma. Það komu tveir gaurar sem buðu í mig og annan strák sem var þarna á vellinum sem minnti mig dálítið á einn strák sem var með mér í körfu hjá Fylki, greinilega mikill áhugamaður um körfu en hæfileikarnir voru kannski ekki alveg til staðar (Sigurgeir, þú veist örugglega hvern ég er að meina). Jæja leikurinn byrjar og þeir byrjuðu að krafti og komust í 7-1 (leikurinn uppí 15, eitt stig fyrir venjulega körfu, tvo stig fyrir 3ja stiga körfu). Byrjar ekki annar gaurinn að böggast, byrjar að drippla eitthvað svakalega, gerir blöff sendingar eins og hann væri að fara að henda boltanum framan í mig þannig að ég snéri hausnum undan og náttúrulega byrjaði hann að glotta og hlæja yfir þessu. Er hann farinn að fara í taugarnar á mér allsvakalega svo tek eitt af mínum rispum sem ég fer stundum í, (Hilmar u know what I mean :) ) og raða niður körfunum á þá. Leikurinn endaði 15-11 fyrir okkur. Auðvitað vildu þeir annan leik sem endaði 15-6 fyrir okkur og ekki var þessi fáviti að böggast þá enda facaði ég hann nokkrum sinnum í leiknum. Eftir það þakkaði ég hinum tveimur fyrir leikinn en ekki bjánanum enda var hann ekki í miklu uppáhaldi hjá mér. Þannig að skilaboðin til þessa cocky, arrogant ameríska fávita er: Hoppaðu uppí rassgatið á þér.
posted by Hrafnkell |
21:29Færeysk knattspyrna
Ég var að surfa aðeins á netinu og datt inn á færeyska knattspyrnu og fann þar hvað þeir kalla ýmsar stöður á vellinum:
Markvörður = Málverji
Varnarmaður = Verjuleikari
Miðjumaður = Miðvallarleikari
Sóknarmaður = Álopsleikari
Síðast en ekki síst ber að nefna þjálfarann og aðstoðarþjálfarann sem bera nöfnin venjari og hjálparvenjari.
Færeyska er frábært tungumál og Færeyingar eru snillingar.
posted by Hrafnkell |
21:04
þriðjudagur, apríl 01, 2003
Já við bloggum allt of lítið núorðið. Ég vona að við náum að snúa þessu við áður en fréttir af þessu kæfa Íraksmálið í fjölmiðlum. Hérna er smá brandari til að byrja með:
Maður dó og fór til himna. "Kæri Guð", sagði hann, "Ég átti svo marga ókláraða hluti á jörðinni. Vildir þú vera svo vænn að leyfa mér að fara þangað aftur í smá stund?" Guð hugsaði málið og sagði síðan: "Ég mun ekki leyfa þér að fara til baka sem maður, en ef þú ert tilbúinn að breyta um form, þá skal ég leyfa þér að heimsækja Jörðina aftur. Ef þú ert tilbúinn að breytast í könguló og heimsækja jörðina með því að síga niður á þræði, þá er mér sama." Maðurinn samþykkti það og varð að könguló. Þessi "köngulóarmaður" hóf síðan að mynda þráð með stórum afturenda sínum og byrjaði að síga niður til jarðar. Allt gekk vel í nokkurn tíma. Það var skrýtin tilfinning að ýta þræðinum út og hanga þarna á milli skýjanna og Jarðarinnar. Svo leið og beið, ferðin var lengri en hann hélt og maðurinn fór að hafa áhyggjur af því hvort hann kæmist alla leið. Hvað ef hann hefði ekki nægan þráð til að komast niður á jörðina? Hann beytti öllum kröftum og þrýsti afgangnum af þræðinum út. Það hjálpaði. Hann var kröftulega að þrýsta síðustu bútunum út þegar hann vaknaði við hristing og konan öskraði á hann: "Siggi vaknaðu!!!!! Hvað ertu að gera!?!? Rúmið er fullt af skít!!!!"
posted by Doddi |
16:47
Já ég verð að taka undir með Bandaríkjaíþróttanördinum. Við erum orðnir heldur latir við þetta undanfarið og er ég ekki undanskilinn því. Það er nú skemmtilegt að segja frá því að ég er að plana ferð einmitt út til íþróttanördsins núna í apríl. Ef að af því verður munum við taka ófáar glímurnar enda ætla ég að fara út í sérsaumaða spandex gallanum mínum með íslenska fánanum á rassinum sem að ég fékk í jólagjöf. Spurning hvort að hann hjálpi manni ekki í gegnum tollinn þar sem að Ísland er nú yfirlýstur stuðningsaðili stríðsbröltsins í Írak. Og ef ekki þá getur maður alltaf gripið til hælkróks eða aftanígripspungsleggju sem að þið hafið nú fengið að kenna á í ófá skiptin frá mér.
posted by Hilmar |
15:26Simpson
Ég var að horfa á nýjan Simpson þátt í gærkvöldi og þá kom dáldið skemmtilegt fram í þættinum. Springfield var nefnilega með ljósastaura og allskonar ljós útum allan bæ sem varð þess valdandi að það varð aldrei dimmt á nóttunni í bænum. Að auki náðu bæjarbúar aldrei að sofna vegna birtunnar. Homer var á Moe's að drekka bjór með vinum sínum Lenny og þessum svarta sem ég man ekki hvað heitir. Allavega þegar þeir ákvaðu að fara heim komu þeir útaf kránni og Homer var rosalega hissa hvað væri ennþá bjart svona um miðja nótt. Þá sagði þessi svarti " hey it reminds me of my icelandic childhood". Náttúrulega urðum við Guðfinna rosalega montin af þessu, grétum a gleði og sungum íslenska þjóðsönginn. Þar á eftir tókum við eina netta íslenska glímu bara svona til að halda uppá þetta. Þar höfum við það, ein persóna í Simpson á rætur að rekja til Íslands.
posted by Hrafnkell |
04:25Haugar Mikið andskoti eruð þið latir að blogga. Það mætti halda að þið gerðuð ekki neitt sem segja mætti frá. Vitiði ekki að billjónir Íslendinga um allan heim lesa síðuna daglega. Ég sá í NY Times að 32 íslenskir námsmenn hafi grenjað við Frelsisstyttuna í dag og hótað að hoppa niður af kellingunni nema við nördarnir verðum duglegri við að blogga. "Netið hefur ekkert að bjóða eftir að nördarnir hættu að blogga" stóð á forsíðu Burlington Free Press. Svo strákar, tökum höndum saman því ekki viljum við að íslenska þjóðin verði þunglynd.
posted by Hrafnkell |
03:49
