laugardagur, september 13, 2003
Íbúðareigandinn Hvað haldiði, kallinn kominn með íbúð uppí Næfurási. Nú verður aðeins lagað nokkra hluti áður en við Guðfinna flytjum inn.
Innflutningspartý er ekki alveg strax á döfunni en ef það verður breyting á, þá látum við fólk vita.
posted by Hrafnkell |
14:26
þriðjudagur, september 09, 2003
Með ólíkindum ótrúlegar fréttir. Gervitungl í hausinn og fleira.
Hrafnkell Helgason varð fyrir því óhappi í gær að fá gervitungl í hausinn. Þar sem það er talið vera nánast stjarnfræðilega ómögulegt þá er það bara alveg hreint með ólíkindum. Hann meiddist ekki við óhappið. Fréttastofan hreinlega trúir því ekki hvað það er ótrúlegt.
Hilmar Steinþórsson fékk heimsókn frá Ítölsku mafíunni í gær. Hann fannst loksins í gær eftir mikla leit á hafsbotni við höfnina í Reykjavík, með fæturna í steypuklumpi, en ómeiddur. Honum hafði tekist að vinna súrefni úr nálægum sjávargróðri og lifa þannig af. Þetta er alveg lygilegt og svo furðulegt og ótrúlegt að maður er orðlaus bara.
Reynir Jóhannesson fannst í sorptunnu í bakgarði í Kópavogi með tvö tannför á hálsinum, náhvítur í framan út af blóðskorti en annars ómeiddur. Talið er að vampíra sem hann hitti á laugardaginn á Nellys hafi verið að verki. Þetta er alveg svoleiðis með ólíkindum og svo ótrúlegt að við hreinlega skiljum það ekki.
Tryggvi Hákonarson fannst loksins á internetinu eftir að hafa verið týndur í nokkra daga. Tölvunarfræðingar vinna nú í því að ná honum út aftur. Ekki er vitað til þess að maður hafi orðið fastur inni í internetinu áður og er þetta því alveg hreint með ólíkindum.
Bergþór Stefánsson sveif af dansgólfinu á Hverfisbarnum á laugardaginn og dansaði í lausu lofti um stund. Furðulostnir gestir Hverfisbarsins fylltust skelfingu og tróðust menn undir þegar þeir reyndu að flýja út. Alveg með ÓLÍKINDUM.
posted by Doddi |
00:30
