Það var skata á boðstólnum á Veðurstofunni í dag. Megna stækjuna fann ég alla leið út á bílaplan, sem er í rúmlega 100 m fjarlægð frá byggingunni. Þar sem ég er hálfur vestfirðingur varð ég náttúrulega að sýna það og sanna að ég væri sannur skötukarl, og fékk ég mér því vænan bita á diskinn. Ég hélt að þetta yrði nú létt, að maður sem hefði í sér vestfirskt blóð myndi hlæja af þessu og sporðrenna skötunni eins og harðasti sjóari. En þegar stækjan frá þessari brúnu slepjulegu klessu sem lá á diskinum náði upp í nasir mínar sagði maginn einfaldlega stopp. Það má þakka fyrir að ég hafi getað pínt ofan í mig saltfiskinn og salatið sem fylgdu með, mér var orðið svo flökurt. Mér tókst þó með herkjum að koma ofan í mig tveimur litlum skötubitum, án þess að æla, en meira var það ekki. Ammóníak er fínt í kæliskápa og til þess að trylla lyftingakarla, en ég hef hér með ákveðið að ég muni ekki leggja mér það til munns.
Þegar ég ólst upp var venjan heima að elda skötu á Þorláksmessu. Reynar var það þannig að mamma, sem er austfirðingur, eldaði skötuna fyrir sig sjálfa og gesti á meðan hinir flúðu hús. Meira að segja pabbi, sem er uppalinn á Ísafirði, lét sig hverfa þegar skötunni var smeygt í pott.
posted by Doddi |
13:52
fimmtudagur, desember 22, 2005
Ske-framhald
þar sem þessi saga er nokkuð svæsin, þá fannst Hilmari ekki sniðugt að koma einhverju af stað sem er kannski engin fótur fyrir. En á móti kemur þá þarf ekkert að taka þessari sögu sem einhverju sem er satt heldur bara slúður, bara eins og kemur í Hér og nú. En þar sem þessi saga er um tvo einstaklinga sem flestir kannast við þá ætla ég aðeins að pæla í þessu. Kannski að hafa atkvæðagreiðslu bara á kommentunum, hver er ykkar skoðun?????
posted by Hrafnkell |
15:20Jóla jóla jólasnjór!!
Jæja góðan og blessaðan daginn!!
Þar sem búið er að spá rauðum jólum þá ákvað ég að bæta það upp með því að láta snjóa hérna á nördasíðunni öll jólin.
Því geta allir sem ekki komast í jólaskapið nema með því að sjá stór snjókorn svífa um loftið brugðið sér inn á nördasíðuna og málinu er reddað.
Vil nota tækifærið og óska öllum þeim sem detta hingað inn gleðilegra jóla!!!
miðvikudagur, desember 21, 2005
Japanska lagið með SKE
Kannast einhver við eitthvað lag með SKE sem heitir einhverju japönsku nafni eða er sungið á japönsku? Ég hef held ég aldrei heyrt það, eða allavega ekki vitað af því. Ég var nefnilega ansi krassandi sögu af þessu lagi, hvernig það var til og síðan var mér sagt að textinn sé ansi grófur.
Spurning um að reyna að fá textann þýddan fyrst áður en sagan sem ég heyrði verður sögð?????
posted by Hrafnkell |
09:53
þriðjudagur, desember 20, 2005
Síðasta helgi
Helgin var bara nokkuð góð, fór á King Kong og þótti hún fín skemmtun og mjög flott. Auðvitað voru nokkrir gallar en ég læt þá ekki bögga mig þar sem þetta er ævintýramynd. Á laugardeginum var farið á jólahlaðborð BVT-klúbbsins sem ég er í og var sú veisla haldin á Rossopomodoro á Laugarveginum. Ekki var gripið í spil enda hefði það verið frekar neyðarlegt ef maður hefði tapað spili og þurft að taka út einhverja leiðinda refsingu í kjölfarið. Í staðinn stunduðum við mjög þroskaðan SMS-leik sem fólst í því að skiptast á síma, skrifa sama skilaboðið á alla símana, síðan var skrollað niður í símaskránni þangað til einhver sagði stopp og þá var sent SMS-ið á þann sem var svo "óheppinn" að fá skilaboðin. Þetta var gaman enda flestir komnir þokkalega í glas og þurftu sumir að senda á fólk sem verður neyðarlegt að hitta næst, t.d í fjölskylduboðum :-) Jæja síðan var farið á Oliver og var þar fram eftir nóttu. Var síðan svo heppinn að fá far heim með henni Hrund en ég frétti að fólk þurfti að bíða ansi lengi eftir leigara enda margir búnir í prófum. Á sunnudeginum var haldið upp á 26 ára afmælið hennar Guðfinnu, og var boðið í lítið kaffiboð með þeim nánustu sem tókst bara vel, var spjallað og haft það gott. Reyndar kom ungur strippari í veisluna og gerði hann allt til að fá athygli Heiðu og Írisar og tókst það bara vel.
posted by Hrafnkell |
12:31
